Ինչպե՞ս դիմել

Համատիրության գրանցման համար «Շարունակել» կոճակը սեղմելուց հետո անհրաժեշտ է՝ 

• տեղեկանալ և համաձայնվել հայտի ներկայացնելու պայմաններին,
• անցնել «ԵսԵմ» նույնականացում, 
• լրացնել անհրաժեշտ տվյալները (որոշ տվյալներ ինքնաշխատ լրացվում են),
• ստորագրել թվային եղանակով, վճարել և հանձնել հայտը։
  
  

Ներկայացվող պահանջները

Համատիրության պետական գրանցման համար անհրաժեշտ է․

• ունենալ «ԵսԵմ» նույնականացում և թվային ստորագրություն,
• լինել հիմնադիր կամ համատիրության կառավարիչ։
  
  

Պահանջվող տվյալները

Համատիրության գրանցման համար անհրաժեշտ է հայտում նշել․

• էլեկտրոնային փոստի հասցեն և հեռախոսահամարը,
• համատիրության անվանումը,
• իրավաբանական հասցեն,
• կազմակերպության գործունեության բնույթը,
• գործունեության առարկան և նպատակները,
• համատիրության անդամների ցուցակը,
• հիմնադիրների ժողովի վերաբերյալ տեղեկություններ,
• բազմաբնակարան շենքի կառուցման տարեթիվը,
• բազմաբնակարան շենքի շինությունների (բնակարաններ, ոչ բնակելի տարածքներ) ընդհանուր թիվը։
  
  

Վճարման չափը և կարգը

Համատիրության գրանցման համար անհրաժեշտ է վճարել 1,000 դրամ։

Տրամադրման ժամկետը և կարգը

• Համատիրության գրանցումը կատարվում է հայտը ներկայացնելուց հետո մինչև 2 աշխատանքային օրվա ընթացքում։
• Գրանցման քաղվածքն ուղարկվում է հայտնում նշված էլեկտրոնային փոստի հասցեին։

Հղում օրենսդրությանը

• «Համատիրության մասին» ՀՀ օրենք
• «Բազմաբնակարան շենքի կառավարման մասին» ՀՀ օրենք
• «Պետական տուրքի մասին» ՀՀ օրենք

Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակները)։