Ազգության հիմքով ՀՀ քաղաքացիություն ստանալու համար անհրաժեշտ է ներկայացնել՝

• դիմողի անձնագիրը,
• ծննդյան վկայականը,
• ԻՍՕ ստանդարտներին համապատասխանող 35x45 մմ չափսի լուսանկար,
• եթե ծննդյան վկայականում բացակայում է նշումը ազգությամբ հայ լինելու մասին, ապա անհրաժեշտ է կցել ազգությամբ հայ լինելը հավաստող փաստաթուղթը՝ 

  • դիմողի մկրտության մասին վկայականը,

  • ծնողի (պապի, տատի, հարազատ քրոջ կամ եղբոր) ծննդյան վկայականը, կամ այլ փաստաթուղթ, որտեղ առկա է ազգությամբ հայ լինելու վերաբերյալ նշումը,

  • ծնողների (կամ պապի և տատի) ամուսնության վկայականը,

  • համահայր կամ համամայր եղբոր կամ քրոջ ծննդյան վկայականը կամ ազգությունը հավաստող այլ փաստաթուղթը, եթե եղբոր կամ քրոջ հայ լինելը պայմանավորված է նրանց համատեղ ծնողի ազգությամբ,

  • հայր ծնողի (պապի) դեպքում՝ հայրության ճանաչման վկայականը կամ ամուսնության վկայականը,

  • օտարերկրյա պետության իրավասու մարմինների կողմից տրված ազգությամբ հայ լինելու մասին փաստաթուղթը:

Ուշադրություն
Ազգությամբ հայ լինելը հավաստող փաստաթղթերը ընտրովի են, և հնարավոր է ներկայացնել դրանցից ցանկացածը։

Օրենքով սահմանված կարգով վերջին 3 տարին Հայաստանում բնակվելու հիմքով դիմելիս անհրաժեշտ է ներկայացնել՝

• դիմողի անձնագիրը,
• ծննդյան վկայականը,
• ԻՍՕ ստանդարտներին համապատասխանող 35x45 մմ չափսի լուսանկար,
• օրինական բնակությունը հաստատող փաստաթուղթը՝
  • ժամանակավոր կացության կարգավիճակի քարտ,
  • բնակության օրինականությունը հավաստող տեղեկանք,
  • ՀՀ-ում հաշվառման մասին տեղեկատվություն,
  • ԵԱՏՄ անդամ պետության քաղաքացիության մասին տեղեկատվություն:

Ուշադրություն
Օրինական բնակությունը հաստատող փաստաթղթերը ընտրովի են, և հնարավոր է ներկայացնել դրանցից մեկը։

Վերջին երկու տարվա ընթացքում ՀՀ քաղաքացու հետ գրանցված ամուսնության մեջ լինելու հիմքով դիմելիս անհրաժեշտ է ներկայացնել՝

• դիմողի անձնագիրը,
• ծննդյան վկայականը,
• ամուսնության վկայականը,
• ամուսնու անձնագիրը,
• ԻՍՕ ստանդարտներին համապատասխանող 35x45 մմ չափսի լուսանկար,
• օրինական բնակությունը հաստատող փաստաթուղթը՝
  • ժամանակավոր կացության կարգավիճակի քարտ,
  • բնակության օրինականությունը հավաստող տեղեկանք,
  • ՀՀ-ում հաշվառման մասին տեղեկատվություն,
  • ԵԱՏՄ անդամ պետության քաղաքացիության մասին տեղեկատվություն:

Ուշադրություն
Օրինական բնակությունը հաստատող փաստաթղթերը ընտրովի են, և հնարավոր է ներկայացնել դրանցից մեկը։

ՀՀ քաղաքացի ծնող կամ զավակ ունենալու հիմքով դիմելիս անհրաժեշտ է ներկայացնել՝

• ՀՀ քաղաքացիության համար դիմողի անձնագիրը,
• ՀՀ քաղաքացիության համար դիմողի ծննդյան վկայականը,
• ԻՍՕ ստանդարտներին համապատասխանող 35x45 մմ չափսի լուսանկար,
• տվյալի փոփոխության դեպքում փոփոխությունը հավաստող փաստաթուղթը (ամուսնության վկայական կամ տեղեկանք)․

Ծնողի հիմքով դիմելիս անհրաժեշտ է կցել նաև՝

• ծնողների ամուսնության վկայականը, ՀՀ քաղաքացու անձնագիր,
• հայր ծնողի դեպքում՝ հայրության ճանաչման վկայականը,

Զավակի հիմքով դիմելիս անհրաժեշտ է կցել նաև՝

• զավակի ՀՀ անձնագիրը և ծննդյան վկայականը։

1995 թ․-ի հունվարի 1-ից հետո սեփական դիմումի համաձայն ՀՀ քաղաքացիությունից հրաժարվելու հիմքով դիմելիս անհրաժեշտ է ներկայացնել՝

• անձնագիրը,
• ծննդյան վկայականը,
• ԻՍՕ ստանդարտներին համապատասխանող 35x45 մմ չափսի լուսանկար,
• տվյալի փոփոխության դեպքում փոփոխությունը հավաստող փաստաթուղթը (ամուսնության վկայական կամ տեղեկանք):

ՀՀ-ում փախստականի կարգավիճակ ունենալու հիմքով դիմելիս անհրաժեշտ է ներկայացնել՝

• օտարերկրյա պետության անձնագիրը, եթե առկա է,
• ծննդյան վկայականը,
• ԻՍՕ ստանդարտներին համապատասխանող 35x45 մմ չափսի լուսանկար,
• փախստականի կոնվենցիոն ճամփորդական փաստաթուղթը:

Ուշադրություն
ԼՂ-ից բռնի տեղահանված անձանց դեպքում ընտանիքի յուրաքանչյուր անդամ պետք է դիմի իր անունից՝ անձնական օգտահաշվի միջոցով։ 

Քաղաքացիություն չունենալու հիմքով դիմելիս անհրաժեշտ է ներկայացնել՝

• քաղաքացիություն չունեցող անձի անձնագիրը,
• ծննդյան վկայականը,
• ԻՍՕ ստանդարտներին համապատասխանող 35x45 մմ չափսի լուսանկար։

Ծնողների (կամ ծնողի)՝ նախկինում ՀՀ քաղաքացիություն ունենալու հիմքով դիմելիս անհրաժեշտ է ներկայացնել՝

• դիմողի անձնագիրը,
• ԻՍՕ ստանդարտներին համապատասխանող 35x45 մմ չափսի լուսանկար,
• ծննդյան վկայական,
• ծնողների անձնագրեր,
• ծնողների ամուսնության վկայականը,
• հայր ծնողի դեպքում՝ հայրության ճանաչման վկայականը,
• ազգակցական կապը հավաստող այլ փաստաթուղթ,
• օրինական բնակությունը հաստատող փաստաթուղթը՝
  • ժամանակավոր կացության կարգավիճակի քարտ,
  • բնակության օրինականությունը հավաստող տեղեկանք,
  • ՀՀ-ում հաշվառման մասին տեղեկատվություն,
  • ԵԱՏՄ անդամ պետության քաղաքացիության մասին տեղեկատվություն:

Ուշադրություն
Օրինական բնակությունը հաստատող փաստաթղթերը ընտրովի են, և հնարավոր է ներկայացնել դրանցից մեկը։

Համակարգից օգտվելիս ՀՀ քաղաքացիների համար պարտադիր է խիստ նույնականացումը։ Օտարերկրացիները կարող են նույնականացվել հանրային ծառայությունների համարանիշով (սոցիալական քարտ/ՀԾՀ) կամ պարզապես գրանցվել իրենց էլեկտրոնային հասցեով։

Համակարգի միջոցով հնարավոր է՝

• դիմել ՀՀ քաղաքացիություն ստանալու համար,
• դիմել ՀՀ քաղաքացիությունը դադարեցնելու համար,
• դիմել անչափահասի քաղաքացիությունը դադարեցնելու համար,
• դիմել անգործունակի համար ՀՀ քաղաքացիության ստանալու համար։