Առողջական ապահովագրություն կարող են ստանալ ՀՀ քաղաքացնիերը և ռեզիտենդները, որոնք ապահովագրման օրվան նախորդող 12 ամիսների ընթացքում ՀՀ-ում փաստացի գտնվել են 183 և ավելի օր։ Խոսքը նաև Արցախից տեղափոխված հայրենակիցների մասին է։

Այո՛, առողջության ապահովագրություն ունենալը պարտադիր է։ 

• մինչև 18 տարեկան երեխաները,

• առանց ծնողական խնամքի մնացած 18-23 տարեկանները,

• առանց ծնողական խնամքի մնացած առկա ուսուցմամբ սովորող մինչև 26 տարեկանները,

• 65 և բարձր տարիքի անձինք,

• հաշմանդամության 1-3-րդ խումբ ունեցող քաղաքացիները, ֆունկցիոնալության խորը, ծանր, միջին սահմանափակում ունեցող անձինք,

• 18–65 տարեկան սոցիալապես անապահով անձինք, որոնց անապահովության միավորը 28 բալից բարձր է,

• զոհված զինծառայողների ընտանիքների անդամները,

• Չեռնոբիլի ատոմակայանի վթարի վերացման աշխատանքների մասնակիցները,

• Երկրորդ Համաշխարհային պատերազմի մասնակիցները և նրանց հավասարեցված անձինք,

• բռնադատվածները,

• հաշմանդամության զինվորական կենսաթոշակ ստացող նախկին զինծառայողները,

• հաշմանդամություն ունեցող երեխայի ծնողներից մեկը, որդեգրողը, խնամակալը կամ հոգաբարձուն։

• 200,001 դրամ և ավելի աշխատավարձ ստացողները,

• 2,400,001 դրամ և ավելի տարեկան եկամուտ ունեցող անհատ ձեռնարկատերերը և նոտարները։

Ուշադրություն

Անհատ ձեռնարկատերերը ապահովագրավճարը պետք է վճարեն միանգամից 12 ամսվա համար՝ մինչև 2026 թվականի ապրիլի 20-ը։

Ապահովագրության ամսական արժեքը 10,800 դրամ է, տարեկանը՝ 129,600 դրամ։

Ապահովագրության համար վճարում է՝

• անձը, եթե օրինակ՝ ինքնազբաղ է կամ չի աշխատում, բայց մտնում ապհովագրություն ստացողների պարտադիր խնբի մեջ,

• գործատուն (աշխատողների համար),

• պետությունը (երեխաներ, թոշակառուներ, սոցիալապես խոցելի խմբերի համար)։

Ուշադրություն

Ապահովագրության համար չվճարելու դեպքում, այն կասեցվում է։

Աշխատավարձից պահումների վերաբերյալ ճշտիր քո գործատուի հետ։ Սովորաբար ապահովագրությունը վճարվում է աշխատավարձից։ 

Այո՛, կարող ես միաժամանակ ունենալ թե՛ պետական ապահովագրություն, թե՛ մասնավոր ապահովագրություն։ 

Եթե ստանում ես 200,001-500,000 դրամ աշխատավարձ, ապա․

• պետությունը սուբսիդավորում է (վճարում է) 6,000 դրամ,
• 4,500 դրամ խնայվում է «Զինապահ» հիմնադրամի վճարներից։

Արդյունքում քո աշխատավարձից փաստացի պահվում է միայն 300 դրամ։

Եթե ստանում ես 500,001 դրամից մինչև 1,000,000 դրամ, ապա․

• «Զինապահ» հիմնադրամին հատկացվող 8,500 դրամից 7,500 դրամն ուղղվում է ապահովագրությանդ,
• մնացած 3,300 դրամը պահվում է քո աշխատավարձից։

Եթե 1 միլիոն դրամից ավելի աշխատավարձ ես ստանում, ապա «Զինապահ» հիմնադրամի 15,000 դրամ վճարները չեն փոխվում․ դու վճարում ես 10,800 դրամ ապահովագրության համար։

Սոցփաթեթի շահառուների համար նախատեսված 6,000 դրամը, որը նախկինում կուտակվում էր սոցփաթեթի շրջանակում, կարող է ուղղվել առողջության ապահովագրությանը։ Դրա համար պետք է մեկ անգամ դիմում գրես քո գործատուին։

Աշխատանքը փոխելիս ապահովագրական իրավունքները պահպանվում են։ Փոխվում է միայն ապահովագրավճարի վճարման աղբյուրը (նախկին կամ նոր գործատու)։

• Եթե աշխատում ես միաժամանակ երկու տեղ, և քո ընդհանուր (հանրագումարային) հարկերը ներառյալ աշխատավարձը չի գերազանցում 200,000 դրամի շեմը, ապա դու ոչինչ չես վճարում։

• Իսկ եթե առաջին գործատուի մոտ ստանում ես օրինակ՝ 180,000 դրամ, իսկ երկրորդի մոտ՝ 205,000 դրամ, ապա այս դեպքում ստացվում է, որ երկու գործատուներն էլ ավտոմատ կերպով քո աշխատավարձից պահումներ կանեն։ Դու քո ապահովագրության համար վճարում ես ավելին, քան սահմանված ամսական արժեքն է (10,800 դրամ)։ 

• Կարող ես գումարը հետ ստանալ, եթե երկու տեղից պահված գումարը գերազանցի սահմանված չափը։ Պետք է մեկ անգամ դիմում ներկայացնել ապահովագրության հիմնադրմամին, նշել քո բանկային հաշվեհամարը, որին 3 աշխատանքային օրվա ընթացքում կփոխանցվի ավել վճարած գումարը։ Մեկ անգամ դիմում ներկայացնելուց հետո, հաջորդ ամիսներին ավել վճարված գումարները կվերադարձվեն ավտոմատ։

Ապահովագրությունը գործում է ՀՀ ամբողջ տարածքում։ Տեղափոխվելը չի սահմանափակում բժշկական ծառայություններից օգտվելու իրավունքը։

Այո՛, ապահովագրական փաթեթը նույնն է բոլորի համար, և կապ չունի, թե ինչ եկամուտ և սոցիալական կարգավիճակ ունես։

• առաջնային բուժօգնություն,
• ամբուլատոր ծառայություններ,
• ստացիոնար բուժում,
• ախտորոշիչ և լաբորատոր հետազոտություններ,
• կանխարգելիչ և այլ բժշկական ծառայություններ։

Որոշ ծառայություններ ներառված չեն ապահովագրական փաթեթում։ Դրանց համար պետք է վճարես ամբողջությամբ կամ մասամբ։ Բժշկական ծառայությունների ցանկ։

Բոլոր տեղեկությունները հասանելի են «ԱՐՄԵԴ» հավելվածում և կայքում, որտեղ կարող ես տեսնել․

• ծառայությունների ցանկը,
• համավճարների չափերը,
• գրանցված պոլիկլինիկան,
• բժշկի փոփոխման հնարավորությունը։

Կան բժշկական օգնության դիմելու 3 հիմնական միջոց՝

• շտապ և անհետաձգելի դեպքեր՝ անմիջապես հիվանդանոց,
• էմերջենսի ծառայություններ,
• պլանային բուժօգնություն, որը սկսվում է պոլիկլինիկայից՝ ընտանեկան բժշկի, թերապևտի կամ մանկաբույժի միջոցով։

Լրացուցիչ մանրամասների և հարցերի համար դիմիր աջակցման կենտրոն։