Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

Թույլտվությունը ստանալու համար անհրաժեշտ է առցանց հայտ ներկայացնել ՀՀ արտաքին առևտրի ազգային մեկ պատուհան էլեկտրոնային հարթակի միջոցով։

Առցանց հայտ ներկայացնելու համար անհրաժեշտ է՝ 

• նույնականացումից հետո բացվող էջի «Միասնական հայտ» բաժնում ընտրել «Արտահանում» կամ «Ներմուծում» տարբերակը,
• բացվող էջի վերին աջ անկյունում սեղմել «Նոր հայտ» կոճակը,
• արտահանման դեպքում բացվող էջի ստորին հատվածի «Արտահանող», իսկ ներմուծման դեպքում՝ վերին հատվածի «Ներմուծող» բաժնում ինքնաշխատ ձևով կլրացվեն արտահանողի տվյալները,
• սեղմել էջի վերին հատվածի «Ապրանքներ» կոճակը, այնուհետև՝ «Ավելացնել ապրանքատեսակ»,
• լրացնել ապրանքատեսակի վերաբերյալ պահանջվող տեղեկատվությունը և պահպանել այն,
• էջի վերին հատվածի «Կից փաստաթղթեր» բաժնում վերբեռնել պահանջվող փաստաթղթերը,
• որից հետո անհրաժեշտ է սեղմել էջի վերին աջ անկյունում գտնվող «Ձևավորել» կոճակը։

Պահանջվող փաստաթղթերը

Թույլտվությունը ստանալու համար հայտին կից անհրաժեշտ է ներկայացնել՝

• արտահանման դեպքում՝ արտահանվող վայրի բույսի ձեռքբերումը (հավաք, մթերում, գնում և այլն) հաստատող փաստաթուղթը (պատճենը),

• ներմուծման դեպքում՝ արտահանող երկրի համաձայնությունը կամ թույլտվությունը (պատճենը) տվյալ վայրի բույսի արտահանման համար կամ դրան փոխարինող փաստաթղթերը (մաքսային հայտարարագիր, արտահանող երկրի մաքսային մարմնի կողմից կնքված կամ այլ տեսքով վավերացված ապրանքն ուղեկցող փաստաթղթեր), եթե այդ երկրի օրենսդրությամբ սահմանված է համապատասխան կարգ։
  
  

Թույլտվության չտրամադրման հիմքերը

Թույլտվությունը կարող է չտրամադրվել, եթե՝

• բացակայում են անհրաժեշտ փաստաթղթերը կամ դրանցում ներկայացված տեղեկությունները չեն համապատասխանում իրականությանը,

• հայտում նշված են արտահանող (ներմուծող) երկրների, ինչպես նաև միջազգային Կարմիր գրքերում գրանցված հազվագյուտ, անհետացող կամ վտանգված վայրի բույսեր,

• ՀՀ օրենսդրությամբ սահմանված այլ դեպքերում։
  
  

Վճարման չափը և կարգը

ՀՀ տարածքից բուսաբանական հավաքածուներ և առանձին նմուշներ արտահանելու (ներմուծելու) համար թույլտվությունը տրամադրվում է անվճար։

Տրամադրման ժամկետը և կարգը

• Թույլտվությունը տրամադրվում է hայտը ներկայացնելուց հետո 1 աշխատանքային օրվա ընթացքում։
• Հայտում ներկայացված տեղեկությունների ոչ ամբողջական լինելու դեպքում նախարարության կողմից փաստաթղթերը ուղարկվում են դիմողին՝ լրամշակման։
• Որոշ դեպքերում տվյալ վայրի բույսի արտահանման (ներմուծման) բնապահպանական նպատակահարմարությունը որոշելու նպատակով Շրջակա միջավայրի նախարարության կողմից կատարվում է հարցում համապատասխան կազմապերպություններին, կամ կազմակերպվում են մասնագիտական քննարկումներ։
• Առանձին դեպքերում տվյալ վայրի բույսի արտահանման կամ ներմուծման բնապահպանական նպատակահարմարությունը որոշելու համար ՀՀ շրջակա միջավայրի նախարարության կողմից կատարվում է հարցում համապատասխան կազմակերպություններին, կամ կազմակերպվում են մասնագիտական քննարկումներ՝ դրանց մասնակից դարձնելով գիտական և շահագրգիռ կազմակերպությունների մասնագետներին։
  
  
• Մասնագիտական քննարկման են ենթակա նաև արտահանող կամ ներմուծող երկրների ու միջազգային կարմիր գրքերում գրանցված հազվագյուտ և անհետացման վտանգված վայրի բույսերի՝ գիտահետազոտական, մշակության մեջ ներդրման և բնական պայմաններում դրանց վերարտադրության նպատակներով արտահանման կամ ներմուծման համար ներկայացված հայտերը:

Հղում օրենսդրությանը

• ՀՀ կառավարության՝ 2002 թվականի հուլիսի 18-ի N 1173-Ն որոշում

• «Բուսական աշխարհի մասին» ՀՀ օրենք

Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակները)։