Դիմումները ներկայացվում են հետևյալ պետական մարմիններից մեկի՝  սոցիալական ապահովության խնդիրներ իրականացնող ստորաբաժանում.

• Պաշտպանության նախարարություն,
• Ներքին գործերի նախարարություն,
• Ազգային անվտանգության ծառայություն,
• Պետական պահպանության ծառայություն:

Ուշադրություն

• Պետք է դիմել այն պետական մարմին, որտեղի աշխատակից է եղել զինծառայողը։
• Կամավորագրված անձիք դիմում են միայն Պաշտպանության նախարարություն։

Ներկայացվող պահանջները

Ծրագրի շահառուներն են՝

• զոհված (մահացած) կամ անհայտ բացակայող ճանաչվելու դեպքում՝ ընտանիքի անմիջական անդամները՝ հայրը, մայրը, գրանցված կամ չգրանցված ամուսնության մեջ գտնվող կինը, ամուսինը, երեխաները,
• 1-ին և 2-րդ խմբի զինհաշմանդամություն կամ ֆունկցիոնալության խորը և ծանր սահմանափակում ունեցող զինծառայողները։
  
  

Պահանջվող փաստաթղթերը

ԶԻՆԱՊԱՀԻ շահառու համարվելու համար համապատասխան պետական մարմնին է ներկայացվում․ 

• սահմանված ձևի դիմում (լրացվում է տեղում),
• զինծառայողին հաշմանդամ ճանաչելու մասին տեղեկանքն ու ստացած վնասվածքի կամ խեղման պատճառական կապի մասին համապատասխան պետական մարմնի կենտրոնական ռազմաբժշկական հանձնաժողովի որոշումը,
• մահվան պատճառական կապի մասին բժշկասոցիալական փորձաքննություն իրականացնող իրավասու պետական մարմնի տված տեղեկանքը` մարտական գործողությունների ժամանակ ստացած վնասվածքի կամ խեղման պատճառով զինծառայողի մահացած լինելու վերաբերյալ,
• զինծառայողին անհայտ բացակայող ճանաչվելու վերաբերյալ դատական ակտը,
• հաշմանդամություն ունեցող զինծառայողի կամ օրենքով սահմանված շահառու հանդիսացող անձանց անձնագրերը (կամ նույնականացման քարտը),
• շահառու հանդիսանալու հանգամանքը հաստատող այլ փաստաթղթեր` ամուսնության (ամուսնալուծության), ծննդյան կամ մահվան վկայականները, դատական ակտերը, տեղեկանքները և այլն։ 
  
  

Հատուցման չափը

Հատուցման չափը կարող է լինել տարբեր և սահմանվում է՝ կախված զինծառայողի զինվորական աստիճանից և դեպքի բնույթից (զոհված, անհայտ բացակայող ճանաչված, 1-ին և 2-րդ խմբի զինհաշմանդամություն կամ ֆունկցիոնալության խորը և ծանր սահմանափակում ձեռք բերած զինծառայողներ): Հատուցման չափի վերաբերյալ մանրամասները ներկայացված ուղեցույցում։

Տրամադրման ժամկետը և կարգը

• Դիմումը ուսումնասիրվում է 30-45 օրերի ընթացքում և հաստատման դեպքում ԶԻՆԱՊԱՀԸ գործընկեր բանկերում շահառուների անվամբ բացում է բանկային հատուկ հաշիվներ և հատուցման գումարը։
• Համապատասխան պետական մարմինը մեկամսյա ժամկետում որոշում է տվյալ դեպքով շահառուների շրջանակը, վճարման ենթակա գումարները և հատուցման դեպքի վերաբերյալ տեղեկությունները և շահառուների անվանացանկը  ներկայացնում է ԶԻՆԱՊԱՀԻՆ՝ վճարում կատարելու համար։ Տրամադրման վերաբերյալ մանրամասները ներկայացված են ուղեցույցում։
  
  

Հղում օրենսդրությանը

• «Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» ՀՀ օրենք
• ՀՀ կառավարության՝ 2017 թվականի փետրվարի 2-ի N 86-Ն որոշում

Օրենսդրական ակտերը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը):