Երևանում`

• Առողջապահության նախարարության «Կախվածությունների բուժման ազգային կենտրոն» ՓԲԸ (hասցե՝ Աճառյան փողոց, 2-րդ փակուղի, 2 շենք, hեռախոսահամար` +374 12 27 27 27)։

 Մարզերում՝

• «Գյումրու հոգեկան առողջության կենտրոն» ՓԲԸ (Շիրակի մարզ, Գյումրի,
  Ղարսի խճուղի, 2ա շենք),
• «Լոռու մարզային հոգենյարդաբանական դիսպանսեր» ՓԲԸ (Լոռու մարզ, Վանաձոր,
  Գարեգին Նժդեհի փողոց, 57 շենք),
• «Սյունիքի մարզային նյարդահոգեբուժական դիսպանսեր» ՓԲԸ (Սյունիքի մարզ, Կապան,
  Բաղաբերդի փողոց, 48 շենք),
• «Սևանի հոգեկան առողջության կենտրոն» ՓԲԸ (Գեղարքունիքի մարզ, Սևան,
  Կարմիր Բանակի փողոց, 68 շենք)։

Հանրապետության այն տարածաշրջաններում, որտեղ չկան համապատասխան դիսպանսերներ, ծառայությունները մատուցվում են տարածաշրջանային պոլիկլինիկաների հոգեբուժական կամ թմրաբանական կաբինետների միջոցով:

Ծրագրի մասին 

Այս ծրագրի շրջանակում անվճար բժշկական օգնությունն ու սպասարկումն ընդգրկում է պացիենտների անվճար դիսպանսերային հսկողության կազմակերպման հետևյալ ծառայությունները․ 

• կամավոր և հարկադիր դիսպանսերային հսկողություն,
• կամավոր և հարկադիր արտահիվանդանոցային պայմաններում բուժում,
• կամավոր և հարկադիր պահպանողական բուժում,
• կամավոր փոխարինող բուժում,
• ըստ ցուցումների` ախտորոշիչ հետազոտությունների իրականացում,
• դատաթմրաբանական փորձաքննության անցկացում,
• սթափության վիճակի զննություն,
• մարդու կենսամիջավայրում հոգեներգործուն նյութերի հայտնաբերման թունաքիմիական հետազոտություն,
• անձի ֆունկցիոնալության գնահատման ուղեգրում։ 
   

Վճարովի պայմաններով դիսպանսերային հսկողության կազմակերպումն ու իրականացումը կարող է կատարվել ՀՀ քաղաքացիությունը հավաստող փաստաթղթի բացակայությամբ և ընդգրկում է.

• կամավոր արտահիվանդանոցային պայմաններում բուժում,
• կամավոր պահպանողական բուժում (մեծահասակի ամբուլատոր բժշկական քարտում պացիենտին նշելով որպես չնույնականացված անձ),
• մարդու կենսամիջավայրում թունաքիմիական հետազոտությունը (բժշկական հետազոտության եզրակացության մեջ պացիենտին նշելով որպես չնույնականացված անձ),
• կամավոր փոխարինող բուժումը (բացառությամբ առողջության պահպանման և բարելավման ծրագրերի, այդ թվում առողջության համընդհանուր ապահովագրության շրջանակում իրականացվող կամավոր փոխարինող բուժման),
• տեղեկանքի տրամադրումը` թմրամոլություն հիվանդության, այդ թվում «ալկոհոլիզմ» ախտորոշման բացակայության վերաբերյալ, թմրաբանական բժշկական օգնություն և սպասարկում իրականացնող բժշկական կազմակերպությունում հաշվառման վերաբերյալ, թմրաբանական բժշկական օգնության և սպասարկման տրամադրման կամ դրա բացակայության վերաբերյալ,
• տեղեկանքի տրամադրման համար իրականացվող ախտորոշիչ հետազոտություններ,
• չճշտված «թմրամոլություն» ախտորոշման դեպքում` թմրաբանական բժշկական օգնության և սպասարկման տրամադրման համար իրականացվող ախտորոշիչ հետազոտություններ,
• նիկոտինային կախվածություն ունեցող անձանց համար մասնագիտական խորհրդատվություն:

Անվճար և հիվանդանոցային պայմաններում թմրաբանական բժշկական օգնությունը և սպասարկումը ընդգրկում է․

• կամավոր բուժում,
• հարկադիր բուժում,
• դատաբժշկական փորձաքննություն,
• զորակոչային տարիքի անձանց բժշկական հետազոտություն,
• ֆունկցիոնալության գնահատման ուղեգրում
• թմրաբանական հետազոտություն` հիվանդանոցային պայմաններում ախտորոշումը ճշտելու նպատակով:
   

Պահանջվող փաստաթղթերը 

Պլանային կարգով պացիենտի հոսպիատալացման դեպքում անհրաժեշտ են՝

• ՀՀ քաղաքացու անձնագիր  կամ նույնականացման քարտ,
• հանրային ծառաությունների համարանիշ (ՀԾՀ),
• համապատասխան բժշկի խորհրդատվության հիման վրա` առողջության առաջնային պահպանման ծառայություններ մատուցող բժշկի կողմից տրված ուղեգիր։

Շտապ և անհետաձգելի բժշկական օգնություն պահանջող վիճակների հոսպիտալացման ժամանակ փաստաթղթեր ներակայացնելը պարտադիր չէ։ 

Շտապ և անհետաձգելի բժշկական օգնություն և սպասարկում պահանջող վիճակից դուրս գալուց հետո բուժումը անվճար շարունակելու համար պացիենտը պետք է ներկայացնի՝

• ՀՀ քաղաքացու անձնագիր,
• հանրային ծառայությունների համարանիշ (ՀԾՀ),
• իր գրավոր համաձայնությունը։ 
  
  

Վճարովի հիմունքներով իրականացվում է`

• «Ափիոնային թմրամոլությամբ պացիենտների գերարագ ապաթունավորում և զրկանքի համախտանիշի դադարեցում ափիոնային անտագոնիստներով՝ ընդհանուր անզգայացման տակ» մեթոդով բուժումը,
• եթե անձը չի ներկայացնում անձը հաստատող փաստաթղթեր։ Այդ դեպքում հիվանդության պատմագրում պացիենտի անուն, ազգանուն, հայրանուն, տարիք և բնակության վայր տողերը լրացվում են նշելով որպես չնույնականացված պացիենտ:
  
  

Վճարման չափը և կարգը

Աջակցության ծրագրի շրջանակում գործող վճարովի ծառայությունների վճարման չափն ու կարգը կարգավորվում են բժշկական հաստատության կողմից։

Տրամադրման կարգը և ժամկետները

Շտապ և անհետաձգելի բժշկական օգնություն և սպասարկում պահանջող վիճակների դեպքում պացիենտների հոսպիտալացումն իրականացվում է շուրջօրյա: Ընդ որում՝ ալկոհոլային հարբածությունը չի համարվում անհետաձգելի վիճակ։ Մնացած դեպքերում ծառայությունը մատուցվում է աշխատանքային օրերին և ժամերին։