Ինչպե՞ս դիմել

Թվային նույնականացման լուծումը հասանելի է և՛ ֆիզիկական քարտերի, և՛ eSIM տեսակի քարտերով աշխատող հեռախոսների համար։ 

Ներկայացվող պահանջներ

«ԵսԵմ» բջջային ID SIM քարտ ստանալու համար կարող են դիմել՝

• ՀՀ չափահաս քաղաքացիները,
• Ղարաբաղից բռնի տեղահանված և ՀՀ-ում փախստականի կարգավիճակ ստացած չափահաս անձինք,
• օտարերկրյա քաղաքացիները, ովքեր ունեն նույնականացման քարտ։

Պահանջվող փաստաթղթերը

• Նույնականացման քարտ կամ փախստականի կարգավիճակի վկայական և անձնագիր (ընդ որում՝ նույնականացման քարտի չիպի կամ PIN և PUK ծածկագրերի առկայությունը պարտադիր չէ),

Անհրաժեշտ է ներկայացնել նաև՝

• դիմողի անունով գրանցված և գործող հեռախոսահամար (հեռախոսահամար չունենալու դեպքում անհրաժեշտ է ձեռք բերել այն)։

Ուշադրություն
Անհրաժեշտ է հաշվի առնել, որ ֆիզիկական քարտը փոխելիս նախկին քարտի  հեռախոսահամարները կարող են ջնջվել, ինչի պատճառով հարկավոր է բոլոր հեռախոսահամարները նախապես պահպանել հեռախոսի մեջ կամ ամպային տիրույթում (cloud): 

Վճարման չափը և կարգը

«ԵսԵմ» բջջային ID SIM քարտ ստանալու համար անհրաժեշտ է վճարել քարտի վերաթողարկման համար նախատեսված վճարը՝ 500 դրամ։

Նոր SIM քարտ գնելու դեպքում անհրաժեշտ է վճարել նաև սակագնային փաթեթի արժեքը՝ ըստ տվյալ օպերատորի սակագների։

Տրամադրման կարգը