Ինչպե՞ս դիմել

Դեղերի մեծածախ իրացման լիցենզիա ստանալու համար հայտատուն պետք է հայտ ներկայացնի ՀՀ Առողջապահության նախարարության լիցենզավորման գործակալություն (հասցե՝ Կառավարական տուն 3, Երևան)

Ներկայացվող պահանջները

Դեղերի արտադրության լիցենզիա ստանալու համար կարող են դիմել իրավաբանական և ֆիզիկական անձինք:

Անհրաժեշտ փաստաթղթերը

Դեղերի արտադրության լիցենզիա ստանալու մասին հայտին կից ներկայացվում են հետևյալ փաստաթղթերը.

• դեղերի արտադրության կանոնակարգում պարտադիր ներկայացվող տեղեկությունների ցանկ (2 օրինակից, ըստ N 3 ձևի)
• փորձագիտական դրական եզրակացություն՝ նախատեսված ապրանքների, առարկաների և սարքավորումների վերաբերյալ
• տարածքի սեփականության իրավունքի վկայականի պատճեն (հայտատուի անունով)
• տարածքի հատակագծի պատճեն՝ տրված իրավասու մարմնի կողմից (հայտատուի անունով)
• տարեկան պետական տուրքի վճարման անդորրագիր
  
  

Վճարման չափը և կարգը

Դեղերի արտադրության համար պետական տուրքը տարեկան 200,000 դրամ է (գանձապետական հաշվեհամարը՝ 900005016630):

Մեկից ավելի յուրաքանչյուր այլ վայրում ևս դեղերի արտադրության լիցենզիայի համար պետական տուրքը տարեկան 100,000 դրամ է (գանձապետական հաշվեհամարը՝ 900005016630):

Տրամադրման ժամկետը և կարգը

Դեղերի արտադրության լիցենզիաները տրվում են անժամկետ` դիմելուց հետո 23 աշխատանքային օրվա ընթացքում:

Հղում օրենսդրությանը

• «Լիցենզավորման մասին» ՀՀ օրենքը,
• «Դեղերի մասին» ՀՀ օրենքը,
• «Պետական տուրքի մասին» ՀՀ օրենքը,
• ՀՀ կառավարության՝ 2002 թվականի հունիսի 29-ի N 867-Ն որոշումը,
• ՀՀ կառավարության՝ 2010 թվականի սեպտեմբերի 24-ի N 1283-Ն որոշումը:

Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակը)