Ծրագրին դիմելու համար «Շարունակել» կոճակը սեղմելուց հետո անհրաժեշտ է՝

Ծրագրի մասին

Ծրագիրն իրականացվում է 3 ուղղություններով։

1. Մասնագիտական ուսուցում (մինչև 5 ամիս)
 
Շահառուն ստանում է՝

• ուսման վարձի փոխհատուցում՝ մինչև 250,000 դրամ։
  
  

Ուսման ավարտից հետո գործատուն պետք է շահառուի հետ կնքի առնվազն 6 ամիս ժամկետով աշխատանքային պայմանագիր, որի համար գործատուն ստանում է ամսական մինչև 50,000 դրամ աջակցություն՝ հարկերի փոխհատուցման համար։

2. Աշխատանքային փորձառություն

Շահառուի համար աշխատանքային փորձի ձեռքբերման գործընթաց ապահովելու դեպքում գործատուն ստանում է՝

• առաջին 3 ամիսների համար՝ ամսական 165,000 դրամ (նվազագույն աշխատավարձի չափով) շահառուի աշխատավարձի փոխհատուցում,
• հաջորդ 3 ամիսների համար՝ ամսական մինչև 50,000 դրամ հարկերի փոխհատուցում։

3. Մասնակի փոխհատուցում

Գործատուն ստանում է մասնակի փոխհատուցում, եթե կնքում է առնվազն 6-11 և 12-ից ավելի ամսով աշխատանքային պայմանագիր շահառուի հետ։

• 6-11 ամսով պայմանագրի դեպքում՝ աշխատավարձի 50%-ը (առավելագույնը 50,000 դրամ)։
• 12 և ավելի ամսով պայմանագրի դեպքում՝ աշխատավարձի 70%-ը (առավելագույնը նվազագույն ամսական աշխատավարձի չափով)։

Ուշադրություն

• Շահառուն կարող է ծրագրում ընդգրկվել միայն մեկ անգամ՝ նշված աջակցության ուղղություններից միայն մեկով։
• Յուրաքանչյուր ուղղության համար կնքվում է համապատասխան պայմանագիր գործատուի, շահառուի և միասնական սոցիալական ծառայության տարածքային կենտրոնի միջև։

Ներկայացվող պահանջները

Ծրագրին դիմելու համար անհրաժեշտ է լինել անապահովության գնահատման համակարգով անապահով ճանաչված ընտանիքի աշխատունակ անդամ։

Պահանջվող տվյալները

Համակարգում գրանցվելու համար անհրաժեշտ է լրացնել․

• անուն, ազգանուն, հայրանուն,
• հանրային ծառայության համարանիշ (սոցիալական քարտի համար),
• էլեկտրոնային փոստի հասցե,
• հեռախոսահամար։
  
  

Տրամադրման ժամկետը և կարգը

• Հայտատուի տվյալները համադրվում են գործատուի կողմից ներկայացված աշխատանքային հմտությունների հետ։ Եթե հայտատուն բավարարում է գործատուի պահանջներին, ապա 15 աշխատանքային օրվա ընթացքում հայտատուն միասնական սոցիալական ծառայության կողմից տեղեկացվում է աշխատանքի հնարավորության մասին։
• Գործատուի առաջարկը ստանալուց հետո 1 աշխատանքային օրվա ընթացքում կնքվում է ուսուցման կազմակերպման մասին պայմանագիր տարածքային կենտրոնի, գործատուի և շահառուի միջև։ Ուսուցումից հետո կնքվում է երկու եռակողմ պայմանագիր աշխատանքային փորձառության և մասնակի փոխհատուցման մասին։
• Ուսուցման և փորձառության պայմանագրերը կնքելուց հետո գործատուն 2 աշխատանքային օրվա ընթացքում կնքում է աշխատանքային պայմանագիր հայտատուի հետ։
• Աջակցության գումարները փոխանցվում են գործատուի բանկային հաշվին՝ յուրաքանչյուր ամսվա եկամտային հարկի հաշվարկի ներկայացմանը հաջորդող 6 աշխատանքային օրվա ընթացքում։
  
  

 Հղում օրենսդրությանը

ՀՀ կառավարության՝ 2025 թվականի հունիսի 12-ի N 770-Լ որոշում

Որոշումը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)։