Հղումն ակտիվանում է միայն ծրագրի անցկացման ընթացքում
ԲԵՏԱ
Հարթակը մշակման փուլում է․ քո կարծիքը կօգնի մեզ բարելավել այն:
Կրթություն
Երեխային հայտագրել դպրոցում
- Երեխային դպրոցում հայտագրելու համար ամեն տարի սահմանվում են հատուկ օրեր, որոնց մասին Կրթության, գիտության, մշակույթի և սպորտի նախարարությունը տեղեկացնում է նախապես։
- Հայտագրումը տեղի է ունենում 3 փուլով։ Հայտագրման ժամանակացույցը հնարավոր է գտնել ԿԳՄՍ նախարարության պաշտոնական կայքում։
Ուշադրություն
«ԵսԵմ» նույնականացում չունենալու դեպքում քաղաքացիները (կամ օտարերկրացիները) կարող են մուտք գործել նաև էլեկտրոնային փոստի միջոցով։
Ո՞վ կարող է դիմել
ՀՀ և օտարերկրյա քաղաքացիներ
Դիմելու տևողությունը
10 րոպե
Ծառայության արժեքը
Անվճար
Տրամադրման տևողությունը
Մինչև 10 աշխատանքային օր
Ինչպե՞ս դիմել
Երեխային դպրոցում հայտագրելու համար «Շարունակել» կոճակը սեղմելուց հետո՝
- հայտագրողը նույնականացվում է,
- կատարում է հայտի հաջորդական քայլերը,
- ստորագրում է հայտը,
- կնքում է պայմանագիր դպրոցի հետ։
Ուշադրություն
Գրանցումից հետո անհրաժեշտ է անցնել «Ենթահամակարգեր» բաժինը և սեղմել «Առաջին դասարանցիների հայտագրում» ենթաբաժինը։
Ներկայացվող պահանջները
- Երեխային դպրոցում հայտագրելու համար կարող են դիմել ՀՀ կամ օտարերկրյա քաղաքացիություն ունեցող ծնողները, եթե երեխայի 6 տարին լրացել կամ լրանում է մինչև տվյալ տարվա դեկտեմբերի 31-ը ներառյալ:
- Ավելի փոքր տարիքի երեխաների ընդունելությունը ուսումնական հաստատություն արգելվում է:
Պահանջվող տվյալները
«ԵսԵմ» նույնականացում չունենալու և համակարգում գրանցվելու դեպքում անհրաժեշտ է մուտքագրել հետևյալ տվյալները․
- հանրային ծառայության համարանիշ (սոցիալական քարտի համար),
- անուն, ազգանուն,
- ծննդյան ամսաթիվ։
Ընդունելությունը կազմակերպելիս առաջնահերթությունը տրվում է՝
- տվյալ դպրոցում սովորող քույր, եղբայր ունեցող երեխաներին,
- դպրոցին մոտ բնակվող անապահով ընտանիքների, խնամակալության տակ գտնվող, հաշմանդամություն ունեցող կամ հաշմանդամություն ունեցող ծնողների երեխաներին (այս դեպքում դիմումը և Միասնական սոցիալական ծառայության տեղեկանքը պետք է ուղարկել secretariat@escs.am էլ. հասցեին),
- ՀՀ տարածքում առնվազն 6 ամսով այլ բնակավայր տեղափոխված պետական համակարգի աշխատակիցների երեխաներին,
- տվյալ դպրոցի աշխատակիցների երեխաներին։
Հայտագրման ժամանակացույց
Հայտագրումը տեղի է ունենում 3 փուլով․
Փուլ 1. Ընդունելություն ըստ առաջնահերթությունների
-
ժամկետ՝ 08.06.2026, ժամը 09:00-ից մինչև 22.06.2026, ժամը 00:00,
-
նախատեսված է հայերեն և ռուսերեն ուսուցմամբ դասարաններում առաջնահերթություններ ունեցող երեխաների համար:
Փուլ 2. Ընդունելություն ընդհանուր հիմունքներով
-
ժամկետ՝ 23.06.2026, ժամը 09:00-ից մինչև 12.05.2027, ժամը 00:00,
-
նախատեսված է միայն հայերեն ուսուցմամբ դասարաններում հայտագրվելու համար:
Փուլ 3. Ընդհանուր ընդունելություն
-
ժամկետ՝ 30.06.2026, ժամը 09:00-ից մինչև 12.05.2027, ժամը 00:00,
-
նախատեսված է հայերեն կամ ռուսերեն ուսուցմամբ դասարաններում ընդհանուր հիմունքներով հայտագրվելու համար:
Ուշադրություն
- Հանրակրթական դպրոցի առաջին դասարան երեխայի ընդունելության ժամանակ նրա գիտելիքների ստուգումը արգելված է։
- Կրթության առանձնահատուկ պայմանների կարիք ունեցող երեխաների ընդունելությունը ուսումնական հաստատություն կատարվում է ընդհանուր հիմունքներով:
Տրամադրման ժամկետը և կարգը
Հայտագրումից հետո ստորագրված պայմանագիրը գեներացվում է անմիջապես։
Հղում օրենսդրությանը
- «Հանրակրթության մասին» ՀՀ օրենք
- ՀՀ կրթության և գիտության նախարարի՝ 2010 թվականի նոյեմբերի 24-ի N 1640-Ն հրաման
Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակները):
Տեխնիկական և բովանդակային աջակցության համար
(+374 10) 57 84 53
(+374 10) 57 84 55
Թեժ գիծ՝
(+374 10) 59 96 00
Ծառայությունը մատուցող՝
ՀՀ կրթության, գիտության, մշակույթի և սպորտի նախարարություն
Ո՞վ կարող է դիմել
ՀՀ և օտարերկրյա քաղաքացիներ
Դիմելու տևողությունը
10 րոպե
Ծառայության արժեքը
Անվճար
Տրամադրման տևողությունը
Մինչև 10 աշխատանքային օր
Տեխնիկական և բովանդակային աջակցության համար
(+374 10) 57 84 53
(+374 10) 57 84 55
Թեժ գիծ՝
(+374 10) 59 96 00
Այս էջը օգտակա՞ր էր